Exposiziuns
Fortu. C.
dils 5 d’avrel tochen ils 6 da fenadur 2025
Cagienard Fortunat
Pictur, illustratur, restauratur e artist independent
Fortunat Cagienard, enconuschents sco «Fortu. C.» fuss vegnius 90 ils 4 da fenadur 2025. En memoria da sia ovra ha liug ina exposiziun che muossa in maletg cumplein da sia creaziun artistica.
Fortu. C. ei naschius igl onn 1935 ed ha gia da giuven giu il siemi da daventar graficher. Suenter las scolas a Trun ha el frequentau la scola professiunala d’art a Turitg e Lucerna (tier M. von Moos). Viadis da studi en Engheltiara, Hollandia, Frontscha, Italia, Grezia e Spagna han influenzau fetg sia lavur artistica.
Dapi igl onn 1965 ha el viviu cun sia famiglia a Wangs. Duront 50 onns ei sia pictura sesviluppada d’ina representaziun realistica fin alla abstracziun creativa.
Dapi igl onn 1969 ha Fortu. C. presentau sias ovras en passa 60 exposiziuns. Ultra da quei ha el realisau numerusas incumbensas publicas en il rom d’art vid edifecis. Ses maletgs secattan en diversas collecziuns.
El ei era enconuschents per sias illustraziuns da cudischs d’affons. La retscha da tschun toms «Grischetta» sco era sias illustraziuns en «Bald ist Nikolausabend» ed en «Die Bären im Scarlettatal» ein testimoni da siu stil unic e da sia creativitad.
Dapli informaziuns sin la pagina da web Fortu. C.
Fier – Textil
Andrea Alig & Fis Guldimann
dils 12 da fenadur tochen ils 31 d’october 2025
Andrea Alig (*1955) ei ina artista grischuna cun ragischs a Turitg.
Ella ha luvrau biars onns sco magistra specialisada per concepziun da textila, tecnica e figurativa.
Las pusseivladads da s’exprimer a moda creativa cun textilias, en special cun teilas da glin creadas a maun fascineschan ella dapi sia scolaziun. Ultra dalla lavur vid textilias ha ella era creau objects da lenn e da plastic.
Per l’emprema gada ha ella exponiu ovras silla Senda d’art a Trun. Ensemen cun fis ha ella mussau 31 utschals da metal sin in prau a Falera 2014.
All’exposiziun da gruppas dil 2019 el hotel Schweizerhof a Flem ha ella presentau sia ovra “Socken”.
L’ovra «Hommage an die Frauen der fünf Täler» ei vegnida elegida dalla giuria da commembras e commembers dalla Visarte Grischun e dil Museum Sursilvan Cuort Ligia Grischa ed exponida ell’exposiziun d’art GRISCH 2024 pil giubileum dalla Ligia Grischa el Museum a Trun.
Fis Guldimann (*1947) ei in artist grischun da Trun. Duront sia professiun ha el lurau cun fier ed itschal. Quellas materialias drova el pil solit era sco artist.
All’entschatta ha el creau ovras senza presentar ellas publicamein. Ils davos 30 onns ha el era rendiu ellas accessiblas ad in vast publicum. Ins anfla las sculpturas da fier da Fis en l’entira Svizra.
El centrum da sias figuras e sculpturas sta il carstgaun e sia via da viver in tut las fassettas. Adina puspei s’occupa el cun tgaus. Duront il temps da Corona ha el formau mintg’jamna in tgau ord differents materials.
fis viva e lavura a Trun.
Dapli informaziuns sin sia pagina da web www.fisguldimann.ch
Alois Carigiet
dils 19 d’avrel tochen ils 31 d’october 2025
Curatur Marco Coray
En ses vegls dis ei il mund dad Alois Carigiet vegnius pli e pli quiets e diffus. Perquei ch’el udeva mal seretergeva el en sesez ed era cheutras periclitaus da vegnir solitaris. Malegiar era per el ina pusseivladad da s’exprimer e d’entrar en contact cun siu contuorn.
L’exposiziun «Skizzas dad Alois Carigiet» porscha la pusseivladad da s’approfundar en sia maniera da luvrar e da patertgar. En sias skizzas seconfrunta igl artist a moda spontana ed intima cun singuls detagls en situaziuns specificas. Las skizzas fuorman la basa la pli fundamentala da sias ovras e lubeschan ina egliada nunfiltrada el process da creaziun ed el mund da Carigiet.
Siu giavisch era da vegnir capius en siu esser entras ses maletgs. Mintga ovra da Carigiet ei pia ina reflexiun da sesez. La finfinala san ins era leger en ses maletgs igl intern digl artist.
MATIAS SPESCHA (1925 – 2008)
Scolas elementaras ed emprendissadi da cusunz a Trun, emploiau en la Fabrica da ponn Trun SA tochen 1951 (schef da secziun). Lura pictur da placats a Turitg (intimaus dad Alois Carigiet) e dils 1954-58 a Paris scolaziun a l’Académie de la Grande Chaumière.
Naven dils 1958 domiciliaus a Bages (Languedoc-Roussillon), nua ch’el ha creau las ovras ch’han colligiau gl’artist cun l’avantguardia internaziunala e che fuorman, ensemen cun autras, il punct culminont dalla pictura svizra da l’epoca. En ses maletgs, sias graficas da stampa e sias sculpturas tematisescha Matias Spescha las relaziuns denter funds e figuras sco era denter surfatschas e spazis. (tenor Lexicon Istoric Retic)
Dapli informaziuns: artist Matias Spescha
Las quater ediziuns bibliofilas da Hendri e Matias Spescha
dils 24 da matg tochen ils 31 d’october 2025
Curaturs Alexa Giger e Gieri Venzin
Die Werke mit Gedichten von Hendri und Bildern seines Bruders Matias Spescha gehören zu den schönsten rätoromanischen Büchern. Anlässlich des 100. Geburtstags von Matias Spescha präsentiert das Museum Sursilvan Cuort Ligia Grischa die vier bibliophilen Werke. In dieser Ausstellung lernen wir Matias Spescha als Illustrator kennen. Der Romanist Renzo Caduff stellt den Dichter Hendri Spescha vor, der als einer der wichtigsten Innovatoren der rätoromanischen Lyrik gilt. Zwei Filme aus den 1960er-Jahren zeigen die beiden jungen Brüder auf der Suche nach ihrem künstlerischen Ausdruck.
Aschi giginas las poesias da Hendri, aschi reduci ils maletgs da Matias. Omisdus artists sedifferenzieschan en fuorma e cuntegn fermamein dalla tradiziun dalla litteratura e pictura sursilvana.
HENDRI SPESCHA
Grundschule in Trun. Lehrerseminar in Chur.
1944–1949: Primarlehrer in Tinizong.
1949–1950: Studium der Psychologie, Pädagogik, Literatur, Geschichte, Musikgeschichte und Kunstgeschichte an der Universität Freiburg.
1950–1959: Sekundarlehrerdiplom. Danach Sekundarlehrer in Domat.
1959–1968: Direktor des Bündner Integrationszentrums für Menschen mit Beeinträchtigun-gen in Chur.
1968–1978: Sekretär der Lia Rumantscha.
1978–1982: Redakteur beim Rätoromanischen Fernsehen.
Hendri Spescha gilt als einer der bedeutendsten Erneuerer der rätoromanischen Lyrik. Er en-gagierte sich auch als Autor von Hörspielen und Erzählungen.
1984 erschien das rätoromanisch-deutsche Buch «Il Giavin dalla siringia / Das Locken des Flieders», 1998 folgte «Uss: poesias / Jetzt: Gedichte».
(Quelle: Historisches Lexikon der Schweiz)
