Museum Sursilvan
Cuort Ligia Grischa
Cordial beinvegni
Il Museum Sursilvan Cuort Ligia Grischa a Trun ei in dils pli bials edifecis historics en Surselva. El ei vegnius erigius da 1674-1679 dalla claustra da Mustér ed ha surviu sco casa cumin dalla Ligia Grischa. La sala dil causligia, era numnada sala d’uoppens, fuorma il cor dalla casa.
Oz gioga igl art en la Cuort Ligia Grischa ina impurtonta rolla ed ei la raschun che bia amaturas ed amaturs digl art visetan il museum. Exposiziuns permanentas d’ovras originalas ein dedicadas als enconuschents artists daTrun: Alois Carigiet, Matias Spescha, Gieri Schmed e sora Gelia Degonda (da Cumpadials).
Alois Carigiet – Matias Spescha
Ovras tumprivas
La fin dils onns 1930 banduna Alois Carigiet il marcau da Turitg e secasa a Platengia ella val da sia affonza. Zacons onns pli tard banduna Matias Spescha siu vitg e serenda a Turitg. Omisdus vulan daventar artists. L’exposiziun tematisescha la relaziun amicabla dils dus artists da Trun e muossa per l’emprema gada en lur vitg nativ zacontas da lur ovras tumprivas. Ella vegn curatada da Alexa Giger e Gieri Venzin.
Alois Carigiet, Cratschla sin finiastra, 1946
Museum d’art dil Grischun, cumpra 1946
© Artavels Alois Carigiet
Fotografia: Museum d’art dil Grischun, Stephan Schenk
Exposiziun da fotografias
da Leo Condrau
Leo Condrau (*1949) ei carschius si a Mustér. Sia fotografia marcada dil viadi e dil mund muntagnard ei sesviluppada da maletgs documentars en il Nepal, Nigeria ed en ils Stadis Unis dall’America entochen ad in focus artistic sin la natira e las cuntradas alpinas.
… dils davos onns
da Beat Manetsch
Carschius si a Trun ed impressiunaus dad artists sco Carigiet, Spescha e Schmed – ei el daventaus magister d’art avon ch’el ha luvrau 35 onns tier la Televisiun Rumantscha. Dapi in mument da clav malegia el puspei pli stedi – en ieli, acril, cun tusch e rispli e lavura cun lenn e fier.
Guid d’art e historia
La Cuort Ligia Grischa a Trun
La Societad da historia d’art Svizra SHAS ha lantschau la seria “Guids d’art e historia Svizra” el 1935. 2024 ei il niev guid d’art e historia vegnius edius en collaboraziun culla fundaziun Museum Cuort Ligia Grischa pubblicada en tuts treis lungatgs dil cantun Grischun. Ils auturs ein Sandro Decurtins e Marc Antoni Nay.
Disponibels tier nus en stizun per 20 CHF.
