Curtin

Nies curtin envida da restar en cumpagnia e porscha plaz per aperos. Giudi in mument da recreaziun ed in bien sitg tier nus.

1934 veva la fundaziun surpriu la casa senza il sulom ordentuorn. Quel ei vegnius acquistaus 2015. 2018/19 ei la parcella, che vegneva duvrada tochen lu mo sco pastira, vegnida midada en in curtin ch’ei in ulteriur liug da s’entupar. Il curtin ei ordinaus cun sias vias, surfatschas, scalas e mirs en fuorma da crusch e corrispunda cunqueiall’architectura dalla casa. Per formar il begl ei igl artist Gieri Schmed sereferius alla historia. La sculptura cun sias treis fontaunas siglientas simbolisescha la Republica dallas Treis Ligias, mintga fontauna ina dallas treis ligias. Ina ga dapli sesiara il tscherchel da historia ed art.