Casa Condrau, Mustér
Casa Condrau Via Sursilvana 27a 7180 Disentis/Muster
Il maletg da preit da vart dalla via muossa ils buobs Retus e Columbin sco era il
pader pelegrin Sigisbert, accumpignai d’ina caura, avon in tipic chischner
sursilvan. Carigiet ha elegiu in alv tarlischont e contrastau quel cun dus sulets ulteriurs tuns da colur, verd-grisch e brin-grisch. La sempla coluraziun sco era la gesta protegenta da Sigisbert dattan al maletg ina irradiaziun harmonica.
Las figuras derivan dil cudisch da pader Maurus Carnot «Sigisbert en Rezia» ch’ei vegnius duvraus sco mied d’instrucziun en las scolas romontschas duront 100 onns. Sil frunt dil baghetg ha Carigiet decorau cun gronda amur pil detagl las otg finiastras en duas retschas da quater cun elements illustrativs sco canasters da fretgs, matgs da flurs, utschals, animals selvadis ni utensils da pesca.
