Baselgia Sogn Roc, Vella
Baselgia Sogn Roc Sogn Roc 44 7144 Vella
La pictura da preit da 1940 ei ina dallas empremas ch’Alois Carigiet ha fatg insumma. Per la fatschada d’entrada ha el malegiau Cristoffel e Mauritius, ils dus sogns patruns dalla Lumnezia. Toni Halter, il scribent sursilvan e bien amitg da Carigiet, seregurdava d’esser sedustaus da quei temps per la pictura da preit encunter la critica dils purs e d’esser sescaldaus «per il gigant cun ils mauns bia memia pigns ed il Jesus pignet»1 per part ord perschuasiun e per part ord plascher da cunterdir. La pictura da preit da vart dalla via datescha dil 16avel tschentaner e deriva dil pictur da Tavau Hans Ardüser (1557-1617).
