Administraziun communala, Sumvitg

Administraziun communala
Via Quadras-su 8
7172 Sumvitg

Seniester dalla entrada en la casa secatta empau zuppau il maletg da preit che Carigiet ha malegiau 1978 e che muossa sogn Gieri en cumpleina acziun. Malgrad ch’il maletg ei tenius en tuns migeivels da pastell e da tiara, reussescha ei a Carigiet da crear cun lingias horizontalas, verticalas e diagonalas sco era cun la posa dinamica dallas figuras ina scena plein acziun che muossa precis il mument che la spada penetrescha la gula dil drag. Il sboz en rispli ed aquarel per quei maletg da preit sesanfla en il Museum Cuort Ligia Grischa a Trun.