Da scuvierer
Casa Carigiet
DAVON E DAVOS LAS CULISSAS
27 da zercladur – 27 da settember 2026
L’exposiziun ella casa paterna da Zarli Carigiet meina ils visitaders tras sias differentas fasas dalla veta, tematisond siu svilup cun ses buns e meins buns muments e sia via alla tribuna. Il cor dall’exposiziun ei sia « tribuna solo». Il visitader astga perscrutar la persuna publica sco era la privata cun tut ses dubis murdents ed appreziar siu art e sia contribuziun alla cultura svizra: Zarli avon e davos las culissas.
Entrada regulara: 10.- / 5.-
Tickets cumbinai da 2 e 3 entradas: carschi CHF 17.- / 25.-, affons e giuvenils CHF 8.- / 12.-
venderdis, 28 – dumengia, 30 d’uost 2026
Festival da tribuna DAPERTUT
Spazi d’art Matias Spescha
SPESCHA & SPESCHA / ENERGY FIELDS
9 da matg – 18 d’october 2026
In ulteriur punct culminont ella seria d’exposiziuns tochen dacheu ei igl unic inscunter d’art: quel denter l’ovra da Venice Spescha e siu bab Matias. Era per l’artista, naschida 1956 a Paris e per part carschida si a Trun stat la fascinaziun e sensibilitad per fenomens d’art el spazi el center, denton sespleiga sias ovras en autras dimensiuns e cun auter material che quels da Matias Spescha.
L’exposiziun sondescha l’interaziun denter il spazi veseivel ed il camp energetic e nunveseivel che seresulta ordlunder.
Entrada regulara: CHF 10.- / 5.-
Tickets cumbinai da 2 e 3 entradas: carschi CHF 17.- / 25.-, affons e giuvenils CHF 8.- / 12.-
OGNA – la sculptura transibla
Igl enconuschent artist Matias Spescha relai cun OGNA in’ovra unica ed attractiva cun gronda radiaziun. Las preits egl intern dalla sculptura ein ornai cun maletgs digl artist che cuvieran grondas parts dalla surfatscha, gest sco quei ch’el haveva previu en siu model. En paucs loghens da quei spazi ein plasticas digl artist plazzadas.
Tenor siu giavisch eis ella accessibla alla publicitad da tut il temps e duront igl entir onn ora. Infos sin www.trun-cultura.ch
Senda d’art spel Rein
La Senda d’art a Trun ei vegnida aviarta igl onn 2007 ed ei ina amplificaziun dalla collecziun d’art el museum. Sin ina lunghezia da 1.5 km expona in tschuppel exposituras ed expositurs dalla regiun mo era da pliras parts dalla Svizra figuras, sculpturas e plasticas.
mira!cultura
Ils vitgs dalla Surselva e dil marcau da Glion han ina historia interessanta che tonscha tochen lunsch anavos el temps medieval. Aunc oz anflan ins denter ils baghetgs e l’infrastructura moderna fastitgs da quei temps. Bia da quei ei misterius e leventa las marveglias d’entelgir dapli sur da la patria ed il liug da vacanzas. In versau team da guids culturals arvan a hosps ed indigens ina finiastra el vargau ed illustreschan il mintgadi actual. Infos sin www.miracultura.ch