Portal tiel santeri, Sumvitg

Baselgia S. Gion Battesta e S. Mudest Cadruvi 8 7172 Sumvitg

Las tablas en il mir dil portal al santeri cun ils quater evangelists Gion, Lucas, Mattiu e Marcus ein malegiadas pli planiv e cun colurs pli intensivas che quei ch’ins ei disaus tier Carigiet. Quei fa ch’ellas ein, malgrad da format plitost pintgas, bein veseivlas, era cun empau distanza. Carigiet ha representau tuts quater evangelists cun lur usitai simbols cristians: tschéss (Gion), bov (Lucas), carstgaun (Mattiu) e liun (Marcus). La lavur ei vegnida realisada 1979 a caschun dalla restauraziun dil portal.