Casa da scola, Trun
Casa da scola Via Principala 40 7166 Trun
Il maletg da preit picturaus 1978 dad Alois Carigiet en la grondezia da 4×2 m muossa ina gruppa da Sogns Retgs. Sco igl ei aunc adina usit van scolaras e scolars da Buania da casa tier casa e contan canzuns. Ils onns 70 han ils Sogns Retgs era visitau Alois Carigiet che ha supplicau els da schar far el ina skizza. Quei ha el remunerau cun ina donaziun generusa. Ils gronds maletgs en ieli, picturai en ferms tuns cotschens, verds e mellens, che han surviu sco model per il maletg da preit, sesanflan el Museum Cuort Ligia Grischa.
Decoraziuns e la tabla cun igl appel dil poet Giacun Hasper Muot «Stai si defenda, Romontsch, tiu vegl lungatg» ei d’anflar sin la casa da scola veglia. Igl artist da Trun Gieri Schmed (1943- 2019) ha picturau quei maletg tenor las directivas dad Alois Carigiet.
