Casa Cathomen, Trun
Casa Cathomen Via Principala 83 7166 Trun
La fatschada dalla casa cun 12 finiastras en treis retschas da quater ha Carigiet decorau 1975. Ils maletgs dalla retscha sisum che representan il decuors dil di ha el picturau direct sin il mir. Damai che la lavur sin il palancau fuva stentusa e buca senza prighel, ha igl artist malegiau las duas retschs giusut sin plattas d’eternit en igl atelier. La retscha a miez ei dedicada allas stagiuns e quella giudem als quater elements tiara, aua, aria e fiug. Ei ha num che Carigiet hagi malegiau en la retscha sisum intenziunadamein in gat che muossa sia part davos alla baselgia. Quei sco reacziun sin il fatg che sias skizzas per finiastras da glas ein buca vegnidas risguardadas tier la renovaziun dalla baselgia ils onns 1950.
