Matias Spescha<\/p><\/h1><\/div><\/div><\/div><\/div><\/div>
Matias Spescha ei naschius ils 17 da fenadur 1925 a Trun ed ha passentau leu sia affonza e giuventetgna. Naven da 1952 han ses geniturs Josef e Catrina Spescha-Nay habitau en la Cuort Ligia Grischa e menau il Museum Sursilvan.
Suenter igl emprendissadi da cusunz ella Fabrica da ponn a Trun (1941-1944) ha Matias luvrau zacons onns en quella interpresa sco tagliadur e meinapartiziun. Matias ha sez declarau pli tard che sia lavur en fabrica, e surtut il tagliar ora las grondas teilas a maun, nua ch\u2019ei veva num tschaffar intuitivamein proporziuns e fuormas, seigi stau d\u2019impurtonza fundamentala per sia lavur artistica. <\/p>\n
Gia duront il temps da giuventetgna a Trun entscheiva Matias a sefatschentar cun la pictura, secapescha figurativa all\u2019entschatta. Sin cussegl dad Alois Carigiet banduna el lu Trun e va el marcau grond a Turitg. Da 1951-1954 lavura el sco creader ed illustrader da placats pil kino Corso culs gronds stars da kino e lur figuras surdimensiunadas sils placats.<\/p>\n<\/div><\/div><\/div>
In impurtont pass pil pictur Matias ei la midada da Turitg a Paris, nua ch\u2019el seperfecziunescha 1955-1958 ella Acad\u00e9mie de la Grande Chaumi\u00e8re. Igl ei era il mument ch\u2019el sedistacca succesivamein dalla pictura figurativa e va la via viers igl art abstract. 1958 banduna Matias Paris, il marcau grond plein truscha e caneras, e va a Bages, el departament Aude ella Frontscha dil sid. <\/p>\n
Leu catta el la quietezia e la pusseivladad da viver da maniera sempla e favoreivla. Sco pictur eis el naturalmein era fascinaus dalla glisch speciala dil sid e dil renomau \u00e9tang ch\u2019el po tscharner da sia casa anora. Bages daventa per el sia secunda patria ed il liug principal da dimora e lavur. Cheu ha el bein era anflau sia via sco artist. Cun perseveronza e segirtad encamina el la via viers ina gronda abstracziun e reducziun, schibein pertuccont las fuormas sco las colurs ed anfla siu agen stil nunconfundibel. <\/p>\n
Siu art sveglia emoziuns ed envida era alla meditaziun.<\/p>\n
La lavur artistica da Matias Spescha ensiara malgrad la reducziun e l\u2019abstracziun ina gronda varietad. Sper la pictura ha Matias Spescha scaffiu numerusas plasticas, lavurs graficas ed installaziuns, picturas muralas, maletgs da tribuna e cumbinaziuns da plirs geners. <\/p>\n
Exposiziuns en Frontscha ed en biars marcaus dalla Svizra han fatg enconuschents el e siu art. Cun differents premis vegn sia ovra honorada. 1993 survegn Matias Spescha il Premi da cultura dil Cantun Grischun e 1999 il Premi d\u2019art dil Cantun Turitg. <\/p>\n
Pil giubileum dad 80 onns ha Matias giu ina gronda exposiziun representativa ella Casa d\u2019art a Cuera. Il medem onn expona Matias era ella Cuort Ligia Grischa a Trun ed inaugurescha sia exposiziun permanenta cun ovras regaladas al museum da sia vischnaunca nativa.<\/p>\n
Ils 28 da zercladur 2008 eis el morts e vegnius satraus giu Turitg.<\/p>\n
Mehr zur Ausstellung des K\u00fcnstlers auf www.trun-cultura.ch<\/b><\/a><\/p>\n<\/div><\/div><\/div><\/div><\/div>![\"\"](\"https:\/\/museum-trun.ch\/wp\/wp-content\/uploads\/2024\/08\/ogna2.jpg\")
<\/div><\/div><\/div>![\"\"](\"https:\/\/museum-trun.ch\/wp\/wp-content\/uploads\/2024\/08\/spescha2.jpg\")
<\/div><\/div><\/div>![\"\"](\"https:\/\/museum-trun.ch\/wp\/wp-content\/uploads\/2024\/08\/spescha3.jpg\")
<\/div><\/div><\/div><\/div>